آپریشنل مسائل حل نہیں، کئی پروازیں تاخیر کا شکار

لاہور: حل نہ ہونے والے آپریشنل مسائل کے باعث بدھ کو بھی مختلف ایئر لائنز کی پروازیں تاخیر کا شکار ہیں۔

پاکستان انٹرنیشنل ایئر لائنز (پی آئی اے) کی کراچی سے اسلام آباد کی پرواز صبح 7 بجے روانہ ہونا تھی لیکن 3 گھنٹے کی تاخیر سے صبح 10 بجے روانہ ہوئی۔

اسلام آباد سے کراچی جانے والی پی آئی اے کی پرواز 301 بھی 3 گھنٹے تاخیر کا شکار ہے اور دوپہر ایک بجے روانہ ہوگی۔

کراچی سے لاہور کی پروازیں پی کے 304 اور پی کے 306 بھی 2 گھنٹے تاخیر کا شکار ہوئیں جب کہ لاہور سے کراچی جانے والی نجی ایئر لائن کی پرواز 3.5 گھنٹے تاخیر کا شکار ہوئی۔

اس کے علاوہ اسلام آباد سے نجف، دبئی، العین اور جدہ جانے والی پروازیں بھی تاخیر کا شکار ہیں۔